Kosova në festë të madhe, një fitore që po bën bujë në gjithë botën sportive.
“Muriqi dhe Kosova bëjnë histori në çmendurinë e Bratisllavës”, është titulli i mediumit të fuqishme spanjoll “Marca”.
“Kosova e mposhti Sllovakinë me rezultat 3:4 dhe avancon në finalen e play-off-it të së martës kundër Turqisë.
Një përmbysje historike e Kosovës në Bratisllavë.
Një ndeshje e çmendur, plot gola spektakolarë, futboll i pastër.
Muriqi e dominoi bashkëlojtarin e tij te Mallorca, Valjent, i cili shënoi gol. Kosova përfundoi duke vuajtur, sepse nuk mund të ishte ndryshe.
Por çfarë mënyre për të fituar dhe për të arritur në një finale që do të jetë festë pavarësisht se çfarë ndodh në Prishtinë, ku do të përballen me Turqinë e Arda Gülerit.
Ndeshja filloi në mënyrën më të mirë të mundshme për Sllovakinë.
Një gol fantastik nga Valjent i dha epërsinë ekipit të tij në përballjen mes lojtarëve të Mallorcas.
Një krosim perfekt nga Haraslin dhe një përfundim i saktë nga mbrojtësi qendror i Mallorcas.
Skuadra nga Kosova mori pak kohë për të reaguar, megjithëse pati një mundësi për barazim me një pritje brilante nga Dubravka.
Pas 20 minutash, Kosova barazoi.
Një tjetër gol fantastik.
Një goditje mbresëlënëse nga jashtë zonës nga Hoxha nuk i la asnjë shans portierit të Burnleyt.
Nga ai moment, nuk pati shumë raste për t’u përmendur përveç një goditjeje në shtyllë nga Haraslin, i njëjti lojtar që asistoi për golin e parë të Sllovakisë. Por lojtari i Slavia-s nuk kishte ndërmend të dorëzohej.
Një goditje dënimi nga krahu dhe, me pak ndihmë nga Muriç, Sllovakia shkoi në pushim me një epërsi të ngushtë.
Por pjesa e dytë ishte po aq emocionuese sa e para. Që në fillim, Asllani shënoi me kokë golin e barazimit dhe rreth minutës së 60-të,
Muslija e kaloi Kosovën në epërsi me një goditje dënimi që Dubravka nuk arriti ta ndalte.
Kosova qëndroi e fortë, duke luajtur me organizim të madh dhe pa krijuar shumë raste.
Në fund vuajti kur Sllovakia shënoi golin e tretë në minutat shtesë.
Goli i Strelec u dha shpresë tifozëve vendas. Por ajo shpresë mbeti vetëm shpresë.
Të martën, finalja e madhe luhet në shtëpi kundër Turqisë. Ëndrra për Botërorin e parë mbetet ende gjallë”, shkruan media spanjolle.
