Një aksident tragjik në fshatin Nadakoc të Vushtrrisë përfshiu tri vetura, përfshirë një të policisë, dhe një këmbësor.
Si pasojë humbi jetën Driton Jashari (27-vjeçar), ndërsa drejtuesi i automjetit që dyshohet si shkaktar u dërgua në mbajtje.
“Tri vetura (dy civile dhe një veturë zyrtare e policisë) dhe një këmbësor janë përfshirë në aksident trafiku. Si pasojë e lëndimeve të marra në aksident, ka ndërruar jetë këmbësori mashkull kosovar. Vdekjen e viktimës e ka konstatuar ekipi mjekësor në vendngjarje. Me vendim të prokurorit trupi i pajetë është dërguar në IML për autopsi, kurse drejtuesi i njërës prej veturave, i cili dyshohet të jetë shkaktar i aksidentit është dërguar në mbajtje ”, ka njoftuar policia.
