Një histori sa prekëse aq edhe revolucionare po bën xhiron e botës në rrjetet sociale dhe mediat ndërkombëtare. Paul Conyngham, një ekspert i Inteligjencës Artificiale, nuk u dorëzua kur mjekët i dhanë lajmin e hidhur se qeni i tij i dashur, Rosie, kishte vetëm pak muaj jetë për shkak të një tumori agresiv.
Në vend që të pajtohej me fatin, Conyngham vendosi të përdorte mjetin më të fuqishëm të kohës sonë: Inteligjencën Artificiale.
Si e “mposhti” kancerin përmes kodimit?
Sipas raportimeve nga The Australian, inxhinieri përdori ChatGPT dhe platformën AlphaFold (një program i avancuar i Google që parashikon strukturën e proteinave) për të analizuar gjenetikën e tumorit të qenit të tij.
Pasi dërgoi kampionët e ADN-së në laborator, ai përdori algoritmet e AI për të dizajnuar një vaksinë të personalizuar mRNA – e njëjta teknologji që u përdor për vaksinat kundër COVID-19 – por e përshtatur specifikisht për qelizat kancerogjene të qenit të tij.
Rezultati që habiti shkencëtarët
Ajo që filloi si një tentativë e dëshpëruar, rezultoi në një mrekulli mjekësore. Pas administrimit të vaksinës së krijuar me ndihmën e AI, tumori i Rosie-t u zvogëlua me 50%, duke u dhënë shkencëtarëve dhe veterinerëve një leksion të ri mbi fuqinë e mjekësisë dixhitale.
“Kjo tregon se e ardhmja e mjekësisë nuk është vetëm në duart e mjekëve, por edhe në fuqinë e të dhënave dhe inteligjencës artificiale,” thuhet në artikull.
Një rrugë e re për mjekësinë
Edhe pse ky trajtim u bë në kushte specifike dhe me miratime të veçanta etike, rasti i Rosie-t po shihet si një pikë ktheye. Ekspertët thonë se kjo mund të jetë vetëm hapja e derës për trajtime të ngjashme të personalizuara edhe për njerëzit në një të ardhme të afërt.
Historia e Paulit dhe qenit të tij Rosie mbetet dëshmia më e fortë se kur teknologjia takon dashurinë, asgjë nuk është e pamundur.
