Reshjet e dendura të dëborës që goditën rajonin e Kamçatkës në Lindjen e Largët ruse kanë vendosur një rekord 30-vjeçar. Është reshjet më të dendura të dëborës që kanë goditur të gjithë Gadishullin e Kamçatkës në tre dekada, me thellësi bore që tejkalon katër metra, dhe madje duke “varrosur” lagje të tëra.
Aparati shtetëror është vënë në gatishmëri, pasi shkollat dhe bizneset janë mbyllur dhe shumica e njerëzve janë të detyruar të punojnë nga distanca.
Autoritetet shpallën gjendje të jashtëzakonshme në kryeqytetin Petropavlovsk-Kamchatsky dhe zonat përreth, ndërsa të paktën dy persona vdiqën kur u shtypën nga blloqet e borës që binin nga çatitë.
Në shumë lagje, bora arriti në katet e dyta të pallateve të apartamenteve, ndërsa banorët u detyruan të hapnin tunele për të hyrë dhe dalë nga shtëpitë e tyre.
Siç kuptohet lehtë, transporti publik ka rënë ndjeshëm, ndërsa raportohet edhe për mungesa ushqimore. Shumë banorë thonë gjithashtu se po hasin vështirësi në sigurimin e ilaçeve thelbësore.
