Italianët nuk e harrojnë ende periudhën kur futbollisti Xherdan Shaqiri ishte pjesë e ekipit të Interit në vitin 2015.
Sipas gazetës italiane “Gazzetta dello Sport”, ishte ndër dështimet më të mëdha.
“”Gazzetta dello Sport” e rendit Xherdan Shaqirin ndër dështimet më të mëdha të të gjitha transferimeve dimërore të Serie A. Kalimi i tij te Interi nuk pati efekt, ashtu si ai i ish-sulmuesit të Young Boysit, Seydou Doumbia, te AS Roma.
Xherdan Shaqiri luajti për Interin midis janarit dhe majit 2015.
Meqenëse shënoi vetëm tre gola në 20 ndeshje dhe kushtoi 18 milionë euro, lojtari zviceran konsiderohet një dështim nga “Gazzetta dello Sport””, shkruan mediumi zviceran ‘Blick”.
“Gazzetta dello Sport” hodhi një vështrim më të afërt dhe përpiloi një listë të lojtarëve që ata besojnë se ishin ndër dështimet më të mëdha të transferimeve në historinë e Serie A në janar. Midis tyre është edhe Shaqiri.
Në janar 2015, Shaqiri u transferua nga Bayern Munih te Inter Milan në huazim, por “efekti Shaqiri” nuk u materializua: Në 20 ndeshje zyrtare, ai shënoi tre gola dhe dha dy asistime.
Meqenëse Inter Milan kishte detyrim ta blinte ndërkombëtarin zviceran, në verën e asaj periudhe për 18 milionë euro.
“Fatkeqësi”, kështu e përshkruan gazeta italiane performancën e Shaqirit.
Trajneri i atëhershëm Roberto Mancini (61) fillimisht e vendosi atë si anësor, pastaj në qendër si organizator.
“Por rezultati mbetet i njëjtë: një dështim”, është analiza e “Gazzetta dello Sport”. Po atë verë, ai u transferua te Stoke City për 17 milionë.
Shaqiri është një nga pesë lojtarët e Interit në listën e dymbëdhjetë transferimeve të dështuara. Robin Gosens (2022), Lukas Podolski (2015), Hernanes (2014) dhe Maniche (2008) gjithashtu konsiderohen si dështime te Interi. Rivalët e qytetit, AC Milan, përfaqësohen nga tre lojtarë: Krzysztof Piatek (2019), Alessio Cerci (2015) dhe Márcio Amoroso (2006).
Katër lojtarët e tjerë janë Eduardo Vargas (Napoli, 2012), Nicolas Anelka (Juventus, 2013), Anderson (Fiorentina, 2014) dhe Seydou Doumbia te AS Roma (2015). Lidhur me ish-sulmuesin e Young Boys, Basel dhe Sion, i cili ishte golashënuesi më i mirë i Superligës tri herë, gazeta sportive italiane shkruan: “Dy golat e tij të vetëm nuk ishin të mjaftueshëm për të fituar besimin e një publiku që ishte tashmë skeptik që me ardhjen e tij”.
