Endrit Thaçi, djali i ish-Presidentit të Kosovës Hashim Thaçi, ka vlerësuar publikisht rolin e kryeministrit të Shqipërisë, Edi Rama, në arenën ndërkombëtare.
Në një postim në rrjetet sociale, ai ka theksuar përfshirjen e Shqipërisë në Bordin e Paqes për qeverisjen e Gazës, duke e cilësuar këtë si një tjetër sukses diplomatik të Tiranës zyrtare.
Sipas djalit të presidentit Thaçi, nën udhëheqjen e kryeministrit Rama, Shqipëria ka arritur të fitojë peshë diplomatike, besim dhe respekt nga aleatët strategjikë, duke u pozicionuar si një aktor i besueshëm në proceset e rëndësishme ndërkombëtare të paqes dhe sigurisë.
Ai theksoi se angazhimi i Shqipërisë në çështje globale të ndjeshme tregon maturi politike dhe rol konstruktiv në diplomacinë rajonale dhe më gjerë, duke forcuar imazhin e vendit në skenën ndërkombëtare.
