Një ish-oficere burgu në Derbyshire të Anglisë, Sarah Barnett, u shpall fajtor për shpërdorim detyre pasi filloi një marrëdhënie të paligjshme me një të burgosur, Scott Taylor, me të cilin mbeti shtatzënë.
Ngjarja ndodhi gjatë gushtit 2023, kur Taylor ishte liruar përkohësisht brenda natës dhe qëndroi në shtëpinë e Barnett, pavarësisht se duhej të rikthehej në burg.
Barnett pranoi se ishte në dijeni të rikthimit të Taylor dhe e inkurajoi atë të qëndronte me të, duke shkelur rregullat e burgut. Pas arrestimit të Taylor, Barnett zbuloi se ishte gjashtë javë shtatzënë me fëmijën e tij.
Gjykatësi Shaun Smith vendosi që Barnett të shmangë burgun, duke i dhënë një urdhër dy-vjeçar për ndihmë në komunitet, përfshirë pjesëmarrjen në 25 ditë aktivitet rehabilitimi. Gjatë shpalljes së dënimit, gjykatësi vuri në dukje se ajo kishte probleme të shëndetit mendor dhe mungesë mbështetjeje, duke konsideruar që një urdhër komunitar ishte më i përshtatshëm sesa burgimi.
