Sistemi i avancuar gjerman synon rritjen e kapaciteteve mbrojtëse të Forcës së Sigurisë së Kosovës.
Faqja ndërkombëtare “World News” ka njoftuar se Kosova ka pranuar armatim kundërtank të tipit “Panzerfaust 3” nga Gjermania. Ky zhvillim vlerësohet si një hap i rëndësishëm në forcimin e kapaciteteve mbrojtëse të vendit.
Armatimi modern i prodhimit gjerman konsiderohet ndër sistemet më të avancuara kundërtank dhe ka për qëllim rritjen e aftësive operative të Forcës së Sigurisë së Kosovës në përmbushjen e detyrave të saj mbrojtëse.
Sistemi “Panzerfaust 3” njihet për efikasitetin e lartë kundër mjeteve të blinduara dhe përdoret gjerësisht nga ushtri të vendeve të NATO-s dhe partnerëve të tyre. I njohur edhe si “grusht kundër tankeve”, ky sistem është pjesë e armatimit të të paktën 11 shteteve, duke e bërë atë një nga mjetet më të besueshme kundërtank për këmbësorinë moderne.
