Jam 28 vjeç dhe kam filluar punë në një kompani ku shefja ime është shumë e sjellshme, e mençur dhe ka një prezencë që tërheq shumë vëmendjen. Nuk mund ta ndaloj së menduari për të. Që në ditët e para të punës, kam filluar të fantazoj për të gjatë gjithë ditës – imagjinoj situata ku flasim më shumë, ku ajo më vlerëson apo madje situata romantike. Sa më shumë e njoh, aq më shumë ndjej një tërheqje të fortë emocionale dhe fizike.
Kur jam me kolegët, shpesh i gjej veten duke e krahasuar çdo person me të dhe ndjej frustrim kur nuk është aty. Ndonjëherë ndihem fajtor për këtë, sepse di që është shefja ime dhe nuk është e përshtatshme të ndjej kaq shumë për të. Më duket sikur mendimet e mia po marrin kontroll mbi ditën time, dhe kjo po më bën të stresuar dhe konfuz.
Nuk e di nëse kjo është normale, dhe nuk dua që ndjenja ime të dëmtojë marrëdhënien profesionale apo të krijojë situata të pakëndshme. Dua të kuptoj se si të menaxhoj këto emocione dhe nëse është e mundur të përballoj këtë tërheqje pa u ndier keq me veten.
Përgjigja e psikologes:
Falënderova për guximin të ndash këtë ndjesi, është shumë e zakonshme që të lindin tërheqje ndaj personave të cilët shohim shpesh, sidomos ata që kanë një rol autoriteti. Ajo që po përjeton nuk është e gabuar, por është e rëndësishme të menaxhosh këto ndjenja në mënyrë të shëndetshme.
Së pari, fantazitë dhe tërheqja emocionale janë normale, por duhet të jesh i vetëdijshëm për kufijtë profesionalë. Përpiqu të fokusohesh te zhvillimi yt personal dhe marrëdhëniet me bashkëmoshatarët, duke ruajtur një distancë të shëndetshme me shefen.
Gjithashtu, përpiqu të kuptosh se kjo tërheqje mund të lidhet më shumë me rolin dhe pushtetin e saj sesa me njohurinë e saj reale si person. Shumë herë, këto ndjenja largohen kur fillon të krijosh lidhje të barabarta me njerëz që janë të përputhshëm me ty.
Nëse ndjenja bëhen të vështira për t’u menaxhuar, mund të flasësh me një psikolog për mënyra konkrete se si të përballosh emocionet pa rrezikuar karrierën apo mirëqenien tënde.
