Përfaqësuesja e Kosovës U-21 ka arritur të marrë një pikë shumë të rëndësishme në rrugëtimin e saj drejt Kampionatit Evropian “Euro 2027” që do të organizohet në Shqipëri e Serbi.
Shpresat e Kosovës e mbyllën me barazim ndeshjen ndaj Finlandës, kombëtare kjo që shihej si pretendente për pjesëmarrje në Evropian.
Kosova barazoi pa gola në Finlandë.
Me këtë pikë, “Dardanët” e rinj renditen në pozitën e tretë në grup me tetë pikë nga pesë ndeshje të zhvilluara.
Pozitën e parë e mban Spanja, kurse në të dytën ndodhet Finlanda.
Deri në fund të kualifikimeve, Kosova do të zhvillojë edhe pesë ndeshje.
