Para ndeshjes me Kosovën që do të zhvillohet të martën me 18 nëntor, trajneri i Zvicrës, Murat Yakin thotë se në Prishtinë do të jetë një ndeshje e vështirë.
Yakin tha se ekipi i Kosovës është i mirë, i zgjuar dhe me përvojë.
“Ata do të luftojnë, do të na provokojnë dhe do të përpiqen të na bezdisin. Por ne nuk do ta lejojmë këtë; jemi shumë të mirë, shumë të zgjuar dhe shumë me përvojë”, deklaroi trajneri i kombëtares.
“Nuk jemi ende 100 për qind, kemi edhe një ndeshje kundër një kundërshtari që na befasoi me rezultatin. Do jetë një ndeshje e vështirë dhe e luftuar në Kosovë. Është për të ardhur keq, do të na pëlqente shumë të festonim këtu me tifozët fantastikë”, tha 51-vjeçari.
Teorikisht, Kosova mund ta kalojë Zvicrën për biletën direkte për në Amerikën e Veriut, Yakin për këtë tha: “Ne as nuk po mendojmë të humbasim; kjo skuadër dëshiron vetëm të fitojë dhe kështu po luajmë”.
