Kapiteni i Kombëtares së Kosovës, Amir Rrahmani, ka dhënë një mesazh emocionues në dhomat e zhveshjes pas triumfit historik ndaj Sllovenisë, duke vlerësuar përkushtimin e gjithë ekipit.
“Kena hjek shumë, kena pas shumë sakrifica. Secili prej neve i ka meritat e veta, edhe ata që s’kanë pasur asnjë minutë e që kanë qenë të grumbulluar me neve. Si Edoni që s’ka lujt sonte, si krejt lojtarët tjerë. Secili ka merita për këtë sukses. Prej tash kena me u ba gati për mars edhe me shpresu me arrit Botërorin”, ka thënë Rrahmani.
