Një krim brenda familjes ka tronditur Durrësin ditën e sotme. Mësohet se disa minuta më parë, djali ka qëlluar me thikë babain, 70 vjeç. Ky i fundit ka ndërruar jetë si pasojë e plagëve të marra.
Raportohet se ngjarja ka ndodhur ne zonën e Shkallnurit në Durrës. Policia dhe grupi hetimor janë nisur drejt vendit të ngjarjes.
Burime nga policia bëjnë me dije se djali vuan nga probleme të shëndetit mendor. Ndërkohë, pas krimit, djali ka arritur të largohet. Ende nuk dihen shkaqet dhe rrethanat e ngjarjes, ndërsa policia po punon për të zbardhur detaje.
