Situata në Serbi para duelit me Shqipërinë nuk është më e mira e mundshme. Së fundmi një lajm i bujshëm vjen nga Serbia para ndeshjes me Kombëtaren shqiptare që do të luhet në Leskovc më 11 tetor në orën 20:45.
Një sfidë delikate dhe shumë e luftuar pritet mes 2 ekipeve dhe për shkak të historisë në të kaluarën, tensionet nuk pritet të përjashtohen. Pavarësisht masave të marra nga Federata Serbe dhe mos nxjerrjen në shitje të biletave fizike në Serbi kanë bërë që të flitet për një çështje tjetër.
Sipas “Nova.rs” bëhet me dije se Serbia mund të përjashtohet nga kualifikueset e Kupës së Botës 2026 nëse në sfidën me Shqipërinë do të ketë trazira. Kjo përballje mund t’i kushtojë akoma më shtrenjtë, pasi rrezikon edhe pezullim deri në 2 vite nga ky turne, nëse bëhet ndonjë skandal nga tifozët.
Siç dihet dueli mes Serbisë dhe Shqipërisë do të luhet pas 1 jave, pikërisht me 11 tetor në Leskovc. Sfidë kjo që do të startojë në orën 20:45
