Kryeministri në detyrë i Kosovës, Albin Kurti, ka zhvilluar një takim në Washington D.C. me senatoren amerikane të shtetit Michigan, Elissa Slotkin.
Gjatë takimit, Kurti e uroi senatoren Slotkin për rizgjedhjen e saj në zgjedhjet e vitit të kaluar, ndërsa biseda u përqendrua në çështje të mbrojtjes, sigurisë, integrimit dhe investimeve në infrastrukturë.
Ai veçoi bashkëpunimin ndërmjet Kosovës dhe ShBA-së në armatimin dhe ngritjen e kapaciteteve të Forcës së Sigurisë së Kosovës, duke theksuar njëkohësisht rëndësinë e mbështetjes amerikane për anëtarësimin e Kosovës në NATO.
Temë diskutimi ishte edhe aktivizmi dhe kontributi i diasporës shqiptare në Michigan, roli i saj në forcimin e lidhjeve mes dy vendeve dhe potenciali për të promovuar investime të bizneseve amerikane në Kosovë.
