Formula 1 do të përballet me një nga transformimet e saj më të mëdha në vitin 2026 me mbërritjen e karburanteve sintetike të qendrueshme, një hap kyç në strategjinë e dekarbonizimit të kampionatit. Ky përparim teknologjik vjen me një problem të menjëhershëm, çmimin e lartë.
Sipas rregullave të reja, çdo ekip do të ketë një partner të veçantë për furnizimin me karburant të ri, 100% të qendrueshëm. Kjo lloj energjie nuk do të bazohet më në burime fosile, por do të prodhohet duke kombinuar hidrogjenin dhe dioksidin e karbonit të marrë nga ajri.
Sipas vlerësimeve fillestare, çdo litër i këtij karburanti të ri do të arrijë në 250 dollarë, një shifër që ka ndezur kambanat e alarmit për shkak të ndikimit ekonomik.
Ideja është që kjo teknologji t’i nënshtrohet kërkesave më të larta konkurruese, ku jo vetëm performanca e saj do të matet, por edhe aftësia e saj për t’u shkallëzuar dhe për t’u bërë më e përballueshme në të ardhmen. Megjithatë, ky proces inovacioni vjen me një kosto që kërcënon të sfidojë ekipet me buxhete më të ulëta.
Dhe nëse marrim parasysh se një makinë e Formula 1 konsumon rreth 140 litra për garë, mesatarisht, furnizimi me karburant i secilës makinë do të kushtojë rreth 35.000 euro.
