Gazeta ka mësuar për një ngjarje që ka ndodhur në orët e para të mëngjesit të sotëm në Prishtinë.
Burimet bëjnë me dije se rreth orës 01:30, nga Qendra e Mbajtjes për të Huajt në fshatin Vranidoll, janë arratisur tre persona të privuar nga liria: Muhamed Bouaida, Dipos Chandra Das, Mona Das.
Sipas informacioneve pas verifikimit të kamerave të sigurisë është konstatuar se personat e dyshuar kanë dëmtuar grilat e dritares së dhomës 104 dhe janë larguar në drejtim të panjohur.
Në lidhje me rastin është njoftuar Prokurori, i cili ka urdhëruar inicimin e procedurës si rast “Arratisje e personit të privuar nga liria”.
Hetimet për lokalizimin e tyre janë duke vazhduar.
