Reperi i njohur nga Ferizaj, Gramoz Aliu, i njohur me emrin artistik Mozzik, është deklaruar sot në Doganën e Kosovës lidhur me dy ora luksoze.
Kështu ka njoftuar edhe vet ai, përmes një postimi në llogarinë e tij në Facebook, ku Mozzik ka thënë se raportimi për arrestimin e tij nuk ka qenë i vërtetë, ndryshe Mozzik vetëm është deklaruar në Doganë lidhur me pasurinë dhe orët.
Reagimi i plotë:
Sapo dhashë deklaratë, në prezencë të avokatit tim Arianit Koci, lidhur me çështjen e mbrëmjes së kaluar për orën e dorës Richard Mille në airoportin e Prishtinës.
Mediat që kanë raportuar për një arrestim që nuk ka ndodhur, nuk kanë vepruar drejt. Po ashtu, raportimet për një kinse borxh ndaj ATK janë të pavërteta – vetëm rrena dhe shpifje.
Sulme të tilla i përballoj me qetësi, njësoj si gripin – dhe nuk kanë asnjë peshë më shumë.
Ju uroj suksese të gjithëve, dhe ishalla flini të qetë sonte.
Ju dua edhe juve qe po shkruani keq !
Sinqerisht Gramoz Aliu (Mozzik).
