Ledion Liço do të moderojë sërish Big Brother VIP Albania, duke hyrë kështu në sezonin e tij të tretë si drejtues i spektaklit më të ndjekur televiziv në vend.
Lajmi u konfirmua në fund të promos së publikuar sot nga ‘Top Channel, duke i dhënë fund thashethemeve për prezantuesin e këtij sezoni.
Edhe këtë vit, si çdo sezon tjetër, janë përfolur disa emra të tjerë, përfshirë edhe atë të Arbana Osmanit, por TCH ka shuar zërat, duke konfirmuar se Ledioni do të mbetet në krye të formatit.
Për momentin nuk është zbuluar ende data e nisjes së sezonit të ri, por pritshmëritë janë të larta si për surprizat brenda shtëpisë së famshme, ashtu edhe për personazhet që do të bëhen pjesë e spektaklit.
