Kryetari i Kuvendit, Dimal Basha, ka komentuar largimin e Liburn Aliut nga detyra e tij.
Ai tha se është e natyrshme që të ketë pakënaqësi, edhe unë kam pasur pakënaqësi me ministra, dhe kjo është pjesë e demokracisë.
“Lexova në media se ai dha dorëheqje për shkak të pakënaqësive lidhur me votimin tim. Nuk dua të komentoj shumë, por dua të theksoj se e çmoj kontributin e tij si aktivist në VV, po ashtu siç e vlerësoj kontributin e secilit tjetër. Respektoj gjithashtu punën që ka bërë si ministër. Është e natyrshme që të ketë pakënaqësi, edhe unë kam pasur pakënaqësi me ministra, dhe kjo është pjesë e demokracisë. Edhe në familje mund të ketë mospajtime, por më e rëndësishmja është të vazhdojmë rrugëtimin përpara,” tha Basha.
