Ministrja në detyrë e Punëve të Jashtme, Donika Gërvalla, ka sqaruar deklaratat e saj lidhur me pretendimet se ka dërguar materiale në Hagë kundër liderëve të UÇK-së.
Ajo ka thënë se ka nxjerrë një dokument të rëndësishëm jashtë Kosovës, por nuk e ka dërguar në Hagë. Sipas saj, dokumenti ndodhet i sigurt në një bankë gjermane.
“Lutjen ma ka bërë një familje që ta gjej mundësinë ta nxjerr dokumentin jashtë Kosovës. Nuk e kam dërguar askund; ai ndodhet në sef të një banke gjermane”, tha ajo.
“Pavarësisht kësaj, nuk kam asnjë kontakt me asnjë hetues të EULEX-it, as me ndonjë zyrtar të Gjykatës Speciale,” shtoi Gërvalla.
