Ministri në detyrë i Financave, Hekuran Murati, ishte kandidati i tretë i propozuar nga Lëvizja Vetëvendosje për postin e kryetarit të Kuvendit të Kosovës.
Megjithatë, as ai nuk arriti të sigurojë numrin e nevojshëm të votave, pasi mori vetëm 57 vota pro në votimin e mbajtur gjatë seancës konstituive.
Krahasuar me kandidaturat e Albulena Haxhiut dhe Donika Gërvallës, kësaj here u shënua një numër më i madh abstenimesh, çka reflekton një mungesë të theksuar mbështetjeje ndaj përpjekjeve të VV-së për ta konstituuar Kuvendin.
