Një ngjarje e rëndë është raportuar pasditen e sotme në Istog.
Burimet bëjnë me dije se rreth orës 15:40, policia është njoftuar se në drejtim të fshatit Çerkolez, një person gjendej pa shenja jete brenda një automjeti.
Në vendin e ngjarjes kanë dalë patrulla policore dhe autoambulanca, ku është konstatuar se viktima ndodhej në veturë, ndërsa pranë tij ishte edhe arma e zjarrit. Po ashtu, xhami i pasmë i automjetit ishte i thyer.
Nga të dhënat e para, dyshohet se automjeti është i tipit Mercedes 250.
Mjeku i pranishëm ka konstatuar se personi është pa shenja jete, ndërsa njësitet e hetimeve dhe krimteknika janë duke kryer ekzaminimet në terren.
Se një person është gjetur i vdekur e ka konfirmuar edhe Policia e Pejës.
Hetimet janë në zhvillim dhe rrethanat e plota pritet të sqarohen.
