Dy ditë më parë, Suzana Tahiri, e njohur nga publiku si “Shqiponja”, u sulmua brutalisht nga babai i saj, Muharrem Tahiri – ish-polic i Jugosllavisë, për të cilin ajo thotë se ka maltretuar shqiptarë gjatë shërbimit të tij.
Sulmi me çekan i shkaktoi lëndime të rënda trupore, ndërsa ngjarja u raportua ekskluzivisht nga GazetaKosova.net, e cila publikoi edhe fotografitë e viktimës dhe autorit të dyshuar.
Sot, GazetaKosova.net ka siguruar foto të reja ekskluzive që tregojnë gjendjen e rënduar të Suzanas pas sulmit.
Ajo shprehet se kërkon drejtësi dhe dënim maksimal për babain e saj, duke e akuzuar për tentim vrasje.
“Po të lirohet nga burgu, unë jam e vdekur, më vret”, deklaron Suzana për GazetaKosova.net.
Suzana apelon për ndihmë nga qytetarët, në mënyrë që të largohet nga shtëpia e saj në fshatin Pantinë të Vushtrrisë dhe të marrë me qira një banesë, pasi beson se kështu do të ishte më e sigurt edhe nëse babai i saj lirohet nga burgu.
