Policia britanike ka arrestuar 474 persona gjatë një proteste në Londër në mbështetje të grupit të ndaluar, Palestine Action, njoftojnë mediat ndërkombëtare.
Demonstrata u organizua nga grupi aktivist Defend Our Juries në Parliament Square, ku dhjetra protestues mbajtën pankarta me mesazhin:
“Unë kundërshtoj gjenocidin. Unë mbështes Palestine Action.”
Ky ishte ndalimi më i madh i bërë nga Policia Metropolitane për një operacion të vetëm gjatë 10 viteve të fundit.
Amnesty International e përshkroi masivizmin e arrestimeve si “thellësisht shqetësues”, ndërsa Sekretarja e Brendshme, Yvette Cooper, falënderoi policinë për reagimin duke theksuar se “e drejta për të protestuar është e rëndësishme, por kjo mbështetje për një organizatë të ndaluar klinikisht është tjetër gjë”.
Pamjet e protestës treguan protestues të ulur në tokë, të qetë, ndërkohë që policia i largonte me fuqi, nën thirrje “turp për ju” nga turma. Disa protestues u liruan me kushtin që të mos marrin pjesë në demonstrata të ardhshme për organizatën palestineze.
