“Pas një pune intensive dyvjeçare, kam kënaqësinë t’ju informojë, se kam përfunduar librin e ri i të 41 me radhë, i cili pritet së shpejti të botohet”, ka njoftuar në “Facebook” akademik Arsim Bajrami.
Libri titullohet: Gjykata Speciale mes të vërtetës dhe mashtrimeve.
Ky libër, synon të ofrojë një analizë të thelluar kritike mbi funksionimin, legjitimitetin dhe ndikimin e kësaj gjykate në shoqërinë kosovare. Përmes shqyrtimit të dokumenteve zyrtare, legjislacionit vendor dhe ndërkombëtar, rasteve gjyqësore,deklaratave publike dhe studimeve shkencore, ndërtohet një narrativë e dyfishtë ku ndërthuren përpjekjet për zbardhjen e së vërtetës me sfidat e manipulimit politik dhe historik. Duke u përqendruar në dimensionet juridike, politike dhe shoqërore, do të bëjmë përpjekje të ndriçojmë të vërteten e luftës në Kosovë dhe çështjet kyçe që lidhen me drejtësinë tranzicionale në Kosovë, duke vënë në pah kontraversave midis pretendimeve për drejtësi dhe interesave politike që shpesh e minojnë këtë proces.
