Në fshatin Bellanicë të Malishevës, dje është gjetur i vdekur një burrë kosovar në një fushë të hapur.
Njësitet policore dhe ekipi mjekësor kanë dalë menjëherë në vendngjarje, ku mjekët konstatuan vdekjen e tij.
Sipas raportit 24-orësh të Policisë së Kosovës, me urdhër të prokurorit, trupi i pajetë është dërguar në Institutin e Mjekësisë Ligjore për obduksion.
Policia thotë se po heton rrethanat e rastit.
