Kryetari i Komunës së Vushtrrisë, Feri Idrizi, ka njoftuar se ka pritur në takim profesor Ragip Xhafën, të cilin e ka vlerësuar si një figurë të shquar të arsimit në këtë komunë, duke i ndarë edhe një mirënjohje për kontributin e tij në edukimin e brezave.
“Sot pata nderin të pres në takim profesor Ragip Xhafën, një figurë e shquar e arsimit në Vushtrri që për dekada me radhë ka ndikuar në formimin dhe edukimin e shumë gjeneratave, me përkushtim, profesionalizëm dhe dashuri për mësimdhënien.
Në shenjë falënderimi dhe vlerësimi për kontributin e jashtëzakonshëm në fushën e matematikës dhe edukimin e brezave, i ndava profesorit një mirënjohje simbolike nga Komuna e Vushtrrisë.
Respekt për punën dhe gjurmën e pashlyeshme që profesor Ragipi ka lënë në jetën e mijëra nxënësve!”, ka shkruar Idrizi.
