Nënkryetari i OVL-UÇK, Gazmend Syla, ka komentuar mbështetjen e Presidentes Vjosa Osmani për protestën e nesërme, duke thënë se qëndrimi i Presidencës “shumë pak na intereson”.
Sipas tij, presidentja asnjëherë nuk ka luajtur rolin e vet karshi kësaj situate e as karshi Gjykatës Speciale.
“Ftesa ka qenë për të gjithë qytetarët e Kosovës, qëndrimi i Presidencës, me thënë të drejtën, shumë pak na intereson. Presidentja asnjëherë nuk e ka luajtur rolin e vet karshi kësaj situate e as karshi Gjykatës Speciale. Ajo asnjëherë nuk na ka kontaktuar e as vizituar; është tepër e parëndësishme se çka ka thënë presidentja”, deklaroi ai.
