Kryetari i AAK-së, Ramush Haradinaj, ka reaguar pas lajmit të hidhur për vdekjen tragjike të dy punëtorëve në një vend pune në Gjakovë. Ai e ka quajtur këtë humbje një tragjedi të madhe jo vetëm për familjet e viktimave, por edhe për shoqërinë në tërësi.
“Lus ndërmarrësit kosovarë që të rrisin nivelin e sigurisë fizike të punëtorëve në çdo vend pune”, ka deklaruar Haradinaj, duke shtuar se institucionet shtetërore duhet ta marrin këtë rast si një alarm për të rritur përgjegjësinë dhe për të garantuar zbatimin e ligjeve që mbrojnë punëtorin.
Në fund, ai ka shprehur ngushëllime për familjet e viktimave, kolegët e tyre dhe gjithë qytetarët e Gjakovës.
