Tashmë KQZ-ja ka prezantuar rezultatet e përmbledhura, ndonëse ende nuk janë numëruar votat me postë të ardhura nga diaspora. Sidoqoftë, rezultatet tregojnë një rritje të VV-së, një vendnumëro të PDK-së, tkurrje të konsiderueshme të LDK-së dhe AAK-ja që mezi arrin te 50 mijë votëshi.
Lëvizja Vetëvendosje e Albin Kurtit aktualisht ka rrafsh 50 për qind të votave. Më saktë, VV-ja ka marrë 50.01 për qind të votave ose përkthyer në vota, Kurti e VV-ja kanë marë 447 mijë e 767 vota. Kjo shifër e tejkalon edhe rezultatin rekord të VV-së më 14 shkurt të vitit 2021, kur mori 438 mijë vota.
Ndërsa PDK-ja, e cila nuk është rritur, megjithatë ka arritur të ruajë votën e saj. Akutalisht, PDK-ja ka 185 mijë e 704 vota ose përktyer në përqindje 20.74 për qind. Kjo nënkupton që PDK-ja po e menaxhon votën, duke mos u rritur, por as duke mos u tkurrur si LDK-ja.
Në anën tjetër, LDK-ja ka pasur oscilimin më të madh të votave. LDK-ja aktualisht ka vetëm 120 mijë e 300 vota ose përkthyer në përqindje i bie 13.44 për qind të votave.
AAK-ja ka arritur të qëndrojë mbi pragun pesë për qindësh. Deri tani AAK-ja e Ramush Haradinaj ka 5.58 për qind të votave ose 49 mijë e 981 vota.
