Vetëm pak javë më parë, Vanda Nara ishte shprehur se po frekuentohej me një futbollist të angazhuar në Kampionatin Botëror të Klubeve, ndërsa tashmë mediat argjentinase kanë zbuluar identitetin e tij.
Ai është Airton Kosta, lojtar i Boka Zhuniors. Mbrojtësi 25-vjeçar dhe modelja 38-vjeçare argjentinase po shijojnë romancën. Deri pak kohë më parë, Airton Kosta ishte i fejuar me Kandela Ojarzabal, modele dhe studente marketingu, e cila nuk i ka pritur aspak mirë zërat për lidhjen e ish të dashurit të saj me Vandën, duke thumbuar me anë të një postimi në rrjetet sociale.
Kandela Ojarzabal e kishte ndjekur edhe në Kupën e Botës për Klube, por papritmas erdhi ndarja. Ojarzabal postoi një thënie të shkurtër në rrjetet sociale që nuk kaloi pa u vënë re: “Shkëmbeve një Rolex me një Casio”, ishte mesazhi i saj, duke iu referuar frazës në këngën e famshme të hakmarrjes së Shakirës kundër Zherard Pikesë, ndërsa e shoqëroi postimin me një këngë nga L-Gante, ish-i dashuri i Vandës.
