– – –
Kandidatja për deputete nga Nisma Socialdemokrate, Xhevahire Izmaku, ka realizuar një vizitë në komunën e Skenderajt, ku është pritur nga anëtarët e kryesisë së degës lokale, të kryesuar nga kryetari Afrim Kabashi.
Në një postim në rrjetet sociale, Izmaku ka vlerësuar lart angazhimin dhe përkushtimin e strukturave të Nismës në Skenderaj, duke theksuar se kjo degë përfaqëson një shembull të shkëlqyer të bashkëpunimit dhe punës së palodhur për të mirën e qytetarëve.
“Nisma Socialdemokrate është krenare me njerëz të përkushtuar si Dega e Skenderaj. Falënderim për angazhimin dhe përkushtimin e tyre të palodhur. Së bashku për hapa të mëdhenj përpara!” – ka shkruar Izmaku.
