Futbollisti i Sunderlandit, Granit Xhaka, ka ndarë një histori të vështirë nga jeta e tij personale në një intervistë të fundit. Ai ka treguar se kur familja e tij u shpërngul nga Kosova në Zvicër, u ballafaquan me shumë vështirësi. Kur u vendosën në Bazel, nuk dinin asnjë gjuhë dhe nuk kishin asnjë të afërm apo miq.
Xhaka tha se me kalimin e kohës, në lagjen ku jetonte, erdhën njerëz të ndryshëm, disa të varur nga alkooli dhe droga. Futbollisti kosovar theksoi se, në një mjedis të tillë, mund të kishte përfunduar në rrugë të këqija, por falë edukatës që mori nga prindërit, arriti të bëjë zgjedhjet e duhura për jetën e tij.
“Kam ndjesinë se unë dhe njerëzit këtu jemi rritur në një mënyrë të ngjashme, shumë me këmbë në tokë dhe me një vullnet të fortë për të arritur diçka”, tha Xhaka. Ai gjithashtu falënderoi prindërit dhe vëllain e tij, Taulantin, për mbështetje dhe edukimin që mori.
Në fund, Xhaka foli edhe për transferimin e tij te Sunderlandi dhe vendimet që i mori shpejt.
“Në Shqipëri thonë se një telefonatë në këtë orë do të thotë diçka e madhe”, ka përfunduar ai.
