Një ngjarje e rëndë ka ndodhur në fshatin Tale të Lezhës, ku është vrarë 57-vjeçari Pjetër Kaza, raportoi Top Channel.
Sipas informacioneve paraprake, vrasja dyshohet se ka ndodhur para banesës së viktimës, në momentin kur ai po kthehej me automjetin e tij.
Menjëherë pas ngjarjes në vendin e krimit kanë mbërritur forcat e Policisë dhe Forcat Kombëtare të Sigurisë nga Njësia e Shkodrës, të cilat kanë nisur hetimet intensive.
Ende nuk dihen motivet e kësaj vrasjeje, ndërkohë që grupi i posaçëm hetimor po punon për identifikimin dhe kapjen e autorit ose autorëve të mundshëm.
