Daniel Pepa është autori tjetër i përfshirë në ngjarjen e rëndë në Manzë, ku dy persona u vranë me armë zjarri.
Burimet nga policia bëjnë me dije se Aranit Kurti dyshohet se është vrarë nga Flori Paluçi. Ndërsa Flori Paluçi është vrarë nga Daniel Pepa.
Daniel Pepa është në kërkim nga policia dhe po punohet për kapjen e tij.
“Rreth orës 01:45 të datës 22.10.2025, në Manëz, pranë një karburanti, pas një konflikti dyshohet për motive të dobta, kanë mbetur të vrarë me armë zjarri shtetasit A. K., 23 vjeç, dhe F. P., 33 vjeç, të dy banues në Manëz.
Nga veprimet e para hetimore të kryera nga grupi i posaçëm hetimor, dyshohet se shtetasi F. P. është vrarë me armë zjarri nga shtetasi D. P., 21 vjeç, banues në Manëz, ndërsa shtetasi A. K. dyshohet se është vrarë nga shtetasi F. P.
Shërbimet e Policisë po vijojnë kontrollet intensive për kapjen e shtetasit D. P.
Ndërkohë, një grup i posaçëm hetimor, nën drejtimin e Prokurorit, po vijon punën në vendngjarje për zbardhjen e rrethanave, identifikimin e personave të tjerë të përfshirë në këtë ngjarje dhe administrimin e çdo prove, me qëllim dokumentimin e plotë ligjor të rastit”, njofton policia.
