Në seancën e tretë konstituive të Kuvendit të Kosovës, është votuar me 120 vota për raporti për verifikimin e mandateve të deputetëve – një hap i rëndësishëm drejt funksionalizimit të plotë të Kuvendit.
Ky dakordim u arrit pas takimit që u mbajt mes krerëve të partive politike në ora 11:30, ku pas diskutimeve, subjektet politike u pajtuan për të ecur përpara me një qëndrim të përbashkët.
“Deputetët të gjithë janë për komisionin e njëjtë,” tha kryesuesi i seancës, Avni Dehari, i cili po udhëheq këtë proces si deputeti më i vjetër në moshë.
Sipas rregullores, krerët e grupeve parlamentare kanë për detyrë që brenda 30 minutave të përgatisin dhe dorëzojnë raportin e ri për verifikimin e mandateve, i cili më pas do të shërbejë si bazë për hapat e ardhshëm në konstituimin e Kuvendit.
