Kompania Vita ka reaguar pas konferencës së Ministrisë së Bujqësisë dhe Agjencisë së Ushqimit dhe Veterinarisë (AUV), duke kundërshtuar deklaratat e ministrit në detyrë, Armend Muja, dhe duke kërkuar publikimin e rezultateve të analizave laboratorike.
Në reagimin e saj, Vita pretendon se ministri nuk ka publikuar rezultatet e analizave të mostrave, të cilat, sipas kompanisë, ende nuk u janë dorëzuar edhe pse kanë kaluar 33 ditë nga marrja e tyre
Kompania thekson se të gjitha produktet e saj janë të etiketuara në përputhje me ligjin dhe garanton se produktet e brendit “Vita” janë prodhuar 100 për qind nga qumështi i freskët i fermerëve kosovarë.
Po ashtu, Vita i ka cilësuar si të pavërteta pretendimet për furnizimin me ujë dhe numrin e punëtorëve, duke bërë thirrje që ministri të konsultohet me institucionet përkatëse para se të dalë me deklarata publike.
Në fund, kompania i ka bërë thirrje Ministrisë së Bujqësisë dhe AUV-së që të publikojnë menjëherë rezultatet e analizave dhe ka akuzuar ministrin për shpifje dhe publikim të të dhënave të manipuluara.
Reagimi i plotë:
𝐃𝐄𝐌𝐀𝐍𝐓𝐈𝐌 𝐍𝐆𝐀 𝐕𝐈𝐓𝐀: 𝐌𝐢𝐧𝐢𝐬𝐭𝐞𝐫, 𝐪𝐢𝐭𝐢 𝐫𝐞𝐳𝐮𝐥𝐭𝐚𝐭𝐞𝐭!
Sot, Ministri Muja gjate konferences per media, deklaroj disa ceshtje te cilat lehtesisht gjinden ne Doganen e Kosoves, Administraten Tatimore te Kosoves dhe AUVK. Vetem i kishte permbledhur, por nuk tregoj asgje te re. Ajo cka nuk publikoje Ministri, pavaresisht premtimeve te vazhdueshme, ishin rezultatet e analizave te mostrave, te cilat menduam se do te publikoheshin sot.
Rezultatet e analizave te mostrave nuk u publikuan! Ne jemi te bindur qe te gjitha produktet tona jane te etiketuara ne perputhje me dispozitat ligjore. Sidoqofte, Ministria dhe AUVK duhet gjithsesi te dal dhe te i publikoje rezutlatet e analizave te mostrave, qe tash e 33 dite nuk po na i dergojne dhe tanime jane edhe ne shkelje ligjore.
Ne ftojme Ministrine dhe AUVK, qe menjehere te i publikojne rezultatet e analizave.
Persa i perket pretendimeve te tjera shpifese per ceshtjen e furnizimit me uje dhe numrin e punetoreve, e ftojme Ministrin qe te konsultohet paraprakisht me Ministrine e Mjedisit, Planifikimit Hapesinor, sepse jemi te pajisur me Leje Ujore dhe Impiant per Trajtimin e Ujerave te ndotura, nderkaq per numrin e punetoreve, te konsultohet me ATK-ne, sepse numrin e punetoreve e kemi te deklaruar ne ATK dhe emertimi i kompanise tone eshte Abrazen LLC.
Ne garantojme qe te gjitha produktet e brendit “VITA” jane prodhim 100% qumesht i fresket i fermereve Kosovar. Ne mburemi qe jemi lider ne industrine e qumeshtit.
Ftojme Ministrin qe t’i ndale shpifjet, te mire-informohet para se te dal ne konferenca per shtyp dhe te mos publikoje te dhena te manipuluara, ne menyre tendencioze, sepse keshtu po e fuqizon importin.
Minister, duaje tenden
