Shqipëria i bëri me dhimbje koke jo vetëm Serbinë por edhe ata që janë të lidhur ngushtë me ta si ish hendbollisti nga Mali i Zi, Veselin Vujoviq.
Ish hendbollisti tallet keq me Dragan Stojkoviqin dhe autoritetet serbe pas humbjes me rezultat 1:0 nga Shqipëria në Leskovc në kuadër të kualifikueseve për Kampionatin Botëror në futboll.
Pas ndeshjes, Dragan Stojkoviqi – Piksi, ka dhënë dorëheqje nga pozita e selektorit të Serbisë.
Kjo u komentua edhe nga Veselin Vujoviqi, ish hendbollisti nga Cetinja dhe sot trajner i Katarit.
Vujoviqi kritikoi Piksin, por edhe autoritetet në Serbi.
“Dëshmori i madh Stojkoviq deklaroi se është një njeri i përgjegjshëm dhe se ua ka ofruar dorëheqjen njerëzve kryesorë të federatës.
Cilëve njerëz? Atyre që duhej të kishin dhënë dorëheqjen para tij, atyre që nuk e emëruan.
Dorëheqja nuk ofrohet, ajo jepet.
Por as për këtë nuk ke guxim, dëshmor”, shkroi Vujoviq në Facebook raporton portali kroat “Index.hr”.
Ai shtoi se Stojkoviq kishte arritur të pamundurën – të dilte nga legjenda.
“Dhe në çfarë mënyre.
Ju kontrolloni qytetin, stadiumin, shikuesin.
Ju e çoni ekipin kombëtar të luajë në Leskovc, në një fushë të tillë, sepse nuk ju lejohet të shfaqeni askund tjetër”, theksoi ai.
Ai vazhdoi me një ton të ngjashëm.
“Po e ulni tonin në mënyrë që njerëzit të mos dëgjojnë se çfarë po brohorasin, dhe të njëjtët njerëz, të cilët i sollët dhe i paguani, po shprehin mendimin dhe pakënaqësinë e të gjithë Serbisë”, përfundoi Vujoviq.
