Prokuroria Themelore në Prishtinë ka ftuar konferencë për media për të informuar publikun me detaje të reja për rastin e Liridona Ademajt.
Kjo konferencë mbahet në objektin e Prokurorisë Themelore Prishtinë, të mërkurën me fillim nga ora 10:00.
Në konferencë do të marrë pjesë edhe vëllau i së ndjerës, Leonardi.
“Ju njoftoj që nesër do të marr pjesë në konferencën e ftuar nga Prokuroria e Prishtinës në lidhje me rastin e vrasjes së motrës time Liridona Ademajt. Konferenca mbahet në orën 10.00 ne Prokurorinë Themelore tek Pallati i Drejtësisë. Shpresoj që mediat do të kenë kohë të përcjellin konferencën. Pas konferencës mund të përgjigjem në ndonjë pyetje eventuale të gazetarëve”, ka shkruar Ademaj në Facebook.
