Pas shpalljes së vendimit nga gjykata, vëllai i Liridona Ademaj, Leonardi tha se ky vendim nuk është drejtësi vetëm për familjen, por mbi të gjitha për Liridonën dhe fëmijët e saj, të cilët, siç u shpreh ai, nuk do ta shohin më nënën e tyre përjetësisht.
“Ky vendim sot nuk shkon vetëm për ne, shkon për Liridonën dhe fëmijët e saj, të cilët nuk do ta shohin më nënën e tyre përjetësisht”, deklaroi ai.
Ai shtoi se dënimi duhet të shërbejë si mësim për këdo që mendon të kryejë krime të tilla.
“Ky dënim do të jetë një mësim për ata që mendojnë ta bëjnë një krim të tillë”, tha vëllai i Liridonës.
