Një ngjarje e rëndë ka ndodh në një familje nga Rahoveci, pasi familjarja e tyre ka ndërruar jetë rrugës për në Spitalin e Gjakovës.
Gazeta mëson se 65 vjeçarja fillimisht është trajtuar në Qendrën Klinike të Mjekësisë Familjare në Rahovec.
Më pas e njëjta është udhëzuar të dërgohet për në Spitalin e Gjakovës.
Siç merr vesh Gazeta gruaja ka ndërruar jetë derisa ishte duke u dërguar në spital.
Mjeku më pas e ka konstatuar vdekjen e saj dhe me urdhër të Prokurorit trupi i pajetë i 65 vjeçares është dërguar për obduksion në Institutin e Mjekësisë Ligjore.
Rasti është duke u hetuar.
