Rahaman Ali, vëllai i vogël i ikonës së boksit Muhammad Ali, ka ndërruar jetë në moshën 82-vjeçare.
Lajmi u konfirmua nga Qendra Muhammad Ali në Louisville, qytet ku ai jetonte dhe kontribuonte për dekada si pjesë aktive e komunitetit.
I lindur më 18 korrik 1943, Rahaman, i njohur më parë si Rudolph Clay, ndoqi për një periudhë rrugën e boksit profesional (1964–1972), por më vonë e kaloi jetën në shërbim të të tjerëve, duke dhënë ndihmë për njerëzit në nevojë.
“Sa herë organizonim aktivitete për ndihmë sociale, Rahaman dhe bashkëshortja e tij ishin gjithmonë aty. Ishin të fundit që largoheshin, duke ndarë ushqim e rroba me njerëzit në nevojë”, tha Wanda McIntyre nga Kisha Baptiste “King Solomon”.
Pas konvertimit në Islam, ai ndryshoi emrin në Rahaman, dhe mbeti një figurë e dashur në Louisville për përkushtimin e tij të heshtur dhe frymëzues.
“Një rrufe e qetë” e quajti aktivisti Ray Barker, duke përkujtuar shembullin e tij si mentor për të rinjtë dhe ndihmës për komunitetin.
