Një ngjarje e rëndë ka ndodhur këtë pasdite në qytetin e Pejës.
Burime të Gazetës bëjnë me dije se një person është dërguar pa shenja jete në Spitalin e Pejës, rreth orës 14:00. Vdekja e tij po dyshohet të ketë ndodhur në rrethana ende të paqarta.
Lajmin e ka konfirmuar për Gazetën edhe Policia e Pejës, e cila është njoftuar nga stafi mjekësor i spitalit për rastin tragjik.
Sipas informacioneve që ka siguruar redaksia jonë, viktima ishte duke punuar në një punëtori në momentin kur ndodhi ngjarja fatale. Megjithatë, ende nuk dihet saktësisht se çfarë ka ndodhur dhe si ka ardhur deri te vdekja e tij.
Në vendin e ngjarjes kanë dalë njësitë relevante policore si dhe prokurori i rastit, i cili ka urdhëruar që trupi i pajetë të dërgohet për obduksion në Institutin e Mjekësisë Ligjore.
Hetimet për zbardhjen e plotë të rrethanave janë duke vazhduar.
