Gazetari Valon Syla ka lëshuar kritika të ashpra ndaj liderit të LDK-së, Lumir Abdixhiku, dhe qëndrimit të opozitës karshi koalicioneve të mundshme paszgjedhore.
Syla u shpreh se ekziston një frikë e madhe brenda taborit opozitar për një bashkëpunim të mundshëm mes LDK-së dhe Lëvizjes Vetëvendosje.
Sipas Sylës, nëse opozita nuk e deklaron prerazi se nuk do të bëjë koalicion me Albin Kurtin, atëherë mbajtja e zgjedhjeve e humb kuptimin.
“Abdixhiku po del e po thotë: erdhi pranvera, çeli lulja… Kadalë, se ti i ke humbur zgjedhjet disa herë dhe je parti e tretë. Ty të shpëton Vjosa Osmani. Ka shpëtuar që është Albin Kurti e po kursehet nga kritikat”, deklaroi Syla në emisionin “Pressing”,
Ai gjithashtu bëri thirrje që shoqëria civile dhe mediat të rrisin presionin mbi partitë opozitare për të qartësuar pozicionet e tyre.
