Vajza e ish-futbollistit të Ballkanit dhe Shkëndijes së Tetovës, Bekim Suka, Erëza Suka, ka marrë një rrugë tjetër nga i ati.
Suka, e lindur dhe rritur në Hamburg por me origjinë suharekase, së fundmi ka marrë pjesë në spektaklin për talente të këndimit, versionin gjerman, The Voice Germany.
Erëza kishte zgjedhur këngën legjendare të James Brown, “I Feel Good”, duke elektrizuar sallën.
Tre nga katër anëtarët e jurisë u kthyen me karrige nga ajo, duke nënkuptuar se e kanë zgjedhur Sukën për garim të mëtutjeshëm.
