Gjatë seancës për vrasjen e Liridona Ademajt, është regjistruar një moment tensioni teksa Naim Murseli ka tentuar të ndërpresë fjalën e prokurorisë.
“Për një deklaratë që e tha prokurorja më herët…”, dëgjohet të thotë Murseli në tentativë për të kundërshtuar akuzat.
Megjithatë, reagimi i kryetares së trupit gjykues ka qenë i menjëhershëm.
“Ulu Naim…”, i është drejtuar prerë gjykatësja, duke mos e lejuar të vazhdojë tutje.
Ky moment erdhi pas kërkesës së Prokurorisë që Murseli dhe dy të akuzuarit e tjerë të dënohen me burgim të përjetshëm.
Kryetarja e trupit gjykues, Fatime Dermaku, ka njoftuar se më 21 prill, në ora 13:30, do të bëhet shpallja e aktgjykimit.
Ndërkaq, sot të tre të akuzuarit janë deklaruar të pafajshëm për veprat penale për të cilat po akuzohen.
