Tre dronë ukrainas që po shkonin drejt Moskës u rrëzuan nga sistemet e mbrojtjes ajrore ruse mbrëmjen e djeshme.
Kreu i bashkisë së kryeqytetit rus Sergei Sobyanin tha se ekspertët po shqyrtojnë mbetjet e dronëve në zonat ku ata ranë.
Më herët, Ministria Ruse e Mbrojtjes raportoi se në një periudhë tre-orëshe, 38 dronë ukrainas ishin kapur dhe shkatërruar në dy rajone ruse në pjesën jugore të vendit dhe në gadishullin e Krimesë, të cilin Rusia e pushtoi dhe e aneksoi në vitin 2014.
Mbrojtja ajrore ruse njoftoi se rrëzoi 98 dronë ukrainas gjatë natës mbi rajonet ruse, njoftoi ministria e mbrojtjes e vendit. 11 dronë, përfshirë gjashtë që u drejtuan për në kryeqytetin rus, u shkatërruan mbi rajonin e Moskës.
