Pas tre ditësh nën kujdesin intensiv të mjekëve në Itali, ka ndërruar jetë ish-polici Fatos Cenaj i cili u qëllua në kokë më datë 8 qershor teksa po shkonte në punë.
Ish-polici i burgjeve vite më parë në Shqipëri u gjet i palgosur në rrugë të dielën, me një plagë plumbi në vesh. Ai ishte 59 vjeç dhe me një jetë krejt normale në Itali.
Cenaj mbërriti në Fontaniva të Italisë tre vjet më parë, pasi u largua nga Shqipëria dhe hoqi uniformën e rojes së burgut. Është gjithashtu atje ku karabinierët italianë kërkuan për të kuptuar një motiv të mundshëm, megjithatë pa gjetur asgjë që mund të shpjegonte misterin.
Në karrierën e tij si oficer i policisë së burgut, Cenaj nuk ishte përfshirë kurrë në lajme edhe sepse roli i tij ishte i largët në shërbim.
Dita e tij e punës, në fakt, pothuajse gjithmonë kalohej pas një tavoline, në një zyrë, me pak kontakt me të burgosurit. Emri i tij nuk është shfaqur kurrë në lloje të tjera hetimesh, as në Ballkan dhe as në Itali.
Pista më e fortë tani mbetet një plumb qorr nga një armë e testuar në zonë dhe që ka kapur rastësisht 59-vjeçarin, një burrë që nuk kishte probleme në zonë.
