Presidenti i SHBA-së, Donald Trump tha se i uron fat JD Vance-it para bisedimeve në Pakistan gjatë fundjavës.
I pyetur se si do të dukej një marrëveshje e mirë, ai u përgjigj: “pa armë bërthamore, kjo është 99% e saj.”
“Do të shohim si do të shkojë, do të shohim si do të funksionojë gjithçka.”
Dhe për ngushticën e Hormuzit, Trump tha: “ajo do të hapet automatikisht… ne nuk e përdorim ngushticën, vendet e tjera e përdorin atë.”
“Do ta kemi të hapur shumë shpejt,” shtoi ai.
I pyetur nëse ekziston një plan rezervë, ai tha: “nuk na duhet plan rezervë… ne i kemi goditur fort, ushtria jonë është e jashtëzakonshme.”
